陳敏之有仔萬事足，平日不時分享母子生活小趣事。轉眼雷子樂經已5歲多，唔止靚仔，仲係個醒目仔。昨晚(4日)敏之上載咗條母子溫馨片，讀緊K2嘅子雷原來已變身「四眼仔」，他晨咁早就做開籠雀，陪媽咪化妝兼送上情歌：「I Love you mami ...mami mamimi mi mi mi mi，mami is my friend... 」敏之即更正係my best friend！子雷隨即就跟住講，仲好乖咁聽媽咪講咀嘴，睇見都冧。
陳敏之同囝囝咀嘴好冧。
陳敏之兒子話咁快就讀K2。
敏之冧爆寫道：「話說今朝0700開工，跟住呢隻豬仔，竟然跟我一齊起身話要陪我化妝，咁好啦！記得以前佢細個，即係剛識行嗰陣，我都會放佢喺我大髀，陪我化妝（係我要求）但係今日5歲嘅佢，已經有佢嘅思想，所以我非常甘心俾佢，繼續坐喺我大髀化妝，但係佢整首感嘅歌俾我嘆，你又叫我點樣繼續化落去呢，真心唔想出門口。」
立即下載 | 全新《星島頭條》APP : https://bit.ly/3yLrgYZ
子雷長大得好快。
子雷已變四眼仔。
敏之仲係好索。
