52歲鄭嘉穎早前憑《星空下的仁醫》角逐視帝，雖然最後只能打入五強，但嘉穎完全唔介意，仲講明仔細老婆嫩，寧願搵錢緊要過拎獎。其實自從嘉穎18年同陳凱琳（Grace）結婚後，翌年及去年先後誕下大仔鄭承悅（Rafael）和細仔鄭承亮（Yannick）。
嘉穎在《星空下的仁醫》表現出色，被受觀眾認同。
嘉穎自從做了老竇後，即時變了住家男人，同老婆Grace經常在社交平台大晒一家四口生活情況， 好似早前一齊去山頂搭纜車，以及在家佈置聖誕樹擺設慶祝等。有仔萬事足的嘉穎，呢日又繼續在社交平台哂兩張同大仔Rafael的合照，並寫上：「想影相嘅時候⋯佢就出現。」
一家四口在家佈置聖誕樹擺設慶祝。
大仔鄭承悅（Rafael）和細仔鄭承亮（Yannick）兩兄弟相親相愛。
大仔鄭承悅（Rafael）下個月三歲。
早前一齊去山頂搭纜車慶祝踏入新一年。
照片中見到嘉穎蹲低攬實玩緊貼紙嘅Rafael，仲錫落佢個面珠仔度，表現得相當享受，反而Rafael眼仔碌碌個表情，就同媽咪十足十餅印一樣，好搞笑。另一張嘉穎企起身撳住囝囝個頭仔笑晒，慈父樣出晒嚟。之後Grace亦在post度以英文留言，自爆靚相由她親自操刀。
嘉穎蹲低攬實玩緊貼紙嘅Rafael，仲錫落佢個面珠仔度。
嘉穎企起身撳住囝囝個頭仔笑晒，慈父樣出晒嚟。
立即下載 | 全新《星島頭條》APP :https://bit.ly/3yLrgYZ
