吳若希（Jinny）近日接受港台31全新節目《睡眠BB瞓冧D》的首集嘉賓，主持人阿O和林燕玲直踩她的豪宅訪問，公開Jinny跟老公Alex的睡房之餘；還大談「房事」，期間Jinny愛犬Honey不時入鏡，更索性把頭枕在林燕玲的大髀上，非常可愛。主持人指兩人睡房大部分是Jinny的物品，Alex的東西只佔少數，Jinny說：「佢少嘢吖嘛！衫都放晒入櫃桶，我嘅放喺衣帽間！」
Jinny指自己對床褥和枕頭有一定的執著，因此才能以最放鬆的狀態入睡，因此枕頭是訂製，在她打側睡時能夠維持一定的高度，談到睡眠習慣，Jinny透露：「平日大約朝早8點幾起身，唔使開工嘅話有時下午都會瞓晏覺。有時要開工，可能連續幾日都係瞓得一至兩個鐘，所以放假時會瞓到11點先起身，不過發現起身後仲攰。」
吳若希跟主持人林燕玲（左）傾得相當投契。
主持人直踩Jinny和老公的睡房拍攝及訪問。
愛犬Honey仲上埋鏡，好可愛。
此外，Jinny透露細仔跟外傭姐姐在另一間房睡覺，因此不易被嘈醒，而她更會讓仔女在「白色噪音」下睡覺：「希望佢哋習慣一下，如果唔係少少聲就醒。我會打開隻窗，畀佢哋聽到人聲、風聲、車聲咁！」提到作為媽媽，難免被小朋友影響睡眠質素，Jinny謂：「我醒咗就瞓唔番，如果有時知道小朋友有工人姐姐湊住，老公起咗身的話，我就盡量瞓多少少。」大叫老公Alex照顧仔女？Jinny即笑說：「我唔叫嘅，直接用腳踢佢！」
吳若希間中也會公開跟老公的相處點滴。
兩公婆不時在社交網上耍花槍及放閃。
兩人分工合作照顧一對仔女。
立即下載 | 全新《星島頭條》APP : https://bit.ly/3yLrgYZ
