去年12月初，韓國天團防彈少年團（BTS）於美國洛杉磯完成4場大型演唱會後即放大假，缺席所有年底的韓國頒獎禮。防彈原本會出席本月31日舉行的第64屆格林美頒獎典禮，但因新冠變種病毒令全球疫情告急而宣佈改期，有份角逐今屆最佳流行組合/團體演出獎的BTS亦取消原定赴美行程，彈仔們將繼續放大假。
BTS其實幾好彩，開完演唱會後美國又爆過疫情。
一開始放大假，防彈已開設人生首個個人IG，成員們都玩得好開心，Po得最多係隊長RM同J-hope，有片有相又有Story，最開心當然係全球嘅ARMY(粉絲暱稱)。
世帥金泰亨(V仔)有愛犬「媒炭」，曝光率都好高，V仔最新嘅IG Story又見到佢。一身家居服嘅V仔坐喺床邊背住鏡頭同「媒炭」玩畀手手，畀完再鍚鍚，然後V仔嚟一個回頭望，完全女友視角，ARMY叫晒救命，Loop到電話就嚟爛咁話。
除咗玩狗狗片，V仔亦上載佢20年搭地鐵嘅片，同埋佢好鍾意嘅大頭自拍，今次唔係啱啱瞓醒，又唔係成面鬚，係一個好怪嘅笑容。
「媒炭」出鏡率好高。
幸福的狗狗。
狗狗前世做咗好多好事可以錫錫V仔。
完全女友視角，暈未?
V仔上載2年前買飛搭地鐵嘅片。
V仔隻手真係好靚。
當時呢張相好多人話係假圖，因為冇諗過V仔真係去搭地鐵。
V仔喺未大紅前都曾經同老友朴寶劍一齊搭過地鐵。
V仔好鍾意Po大頭相。
V仔做咗ARMY平時都會做嘅嘢。
RM放大假就經常去圖書館。
JK就努力練拳。
立即下載 | 全新《星島頭條》APP : https://bit.ly/3yLrgYZ
