陳蕊蕊日前拍攝網片,走訪各大餐廳探討食店現況,乘機向負責人「偷師」營商之道:「我之前開過Café,今次真係要嚟偷師,因為之前做過咁多生意都係蝕錢,最勁嘅一次幾十萬左右,不過做生意算少㗎啦!」
近日疫情嚴重,蕊蕊坦言會小心個人衛生,停機後即戴口罩:「平時就唔會去多人嘅地方,我自己就打齊針㗎啦,而且幕後同事都會戴晒口罩,所以都唔太擔心。今日去到餐廳都知道情況幾嚴峻,因為冇晚市對大家打擊都好大,我只係小人物當然幫唔到啲咩,希望可以幫手打打氣,介紹吓啲隱世美食,到疫情過後大家去瘋狂幫襯!」
新春在即,她無懼拜年被親友「催婚」:「我屋企人其實好少問呢啲問題嘅,父母都明白我做呢行,唔會去到過年先問我呢啲嘢,平時都會旁敲側擊關心我嘅感情狀況。」
![陳蕊蕊走訪各大餐廳探討食店現況,乘機向負責人「偷師」。](https://image.hkhl.hk/f/1024p0/0x0/100/none/74c7e3aa794c3056b14e95fa7a193f05/2022-01/2ebea145-4064-4956-96a4-1fb9cd28412f.jpg)
陳蕊蕊走訪各大餐廳探討食店現況,乘機向負責人「偷師」。
![蕊蕊唔擔心拜年被親友催婚。](https://image.hkhl.hk/f/1024p0/0x0/100/none/00e931fa760f070e7c5697817b3efe80/2022-01/94d265ef-d910-4901-961b-959ca5ec46ad.jpg)
蕊蕊唔擔心拜年被親友催婚。
立即下載 | 全新《星島頭條》APP : https://bit.ly/3yLrgYZ