由陳俊堅、鄭雋熹、程浩駿、林浩文及姚宏遠五位七線藝人擔大旗的TVB話題綜藝節目《七線人棄王》，一連十集的足本版已在myTV Gold全套上架。當中有不少搞笑短劇，有20多年演出經驗的康華飾演訓導主任，戴眼鏡Miss Look打扮相當養眼。短劇講述康華Miss輪流召見五子，五子不但全程沒有悔意，更先後向Miss做出多項「犯規」動作，包括唱情歌、跳勁舞、送肉嘴、派心心及寬衣解帶等，原本一臉嚴肅的康華，被五子搞到啼笑皆非。
五子事後受訪時，坦言拍攝初期表現拘謹，更Dead Air足一個上午：「後尾我哋同康華終於打開到話題，發現原來佢好funny同nice。佢只係一開始唔敢同我哋講嘢，因為覺得我哋太認真。」為逗康華開心，五子拍攝前做足功課：「我哋上網搵資料，發現康華有首歌叫《拼火花》，我哋就不斷咁練佢首歌同學佢跳舞。最後阿熹就喺佢面前唱番佢首歌出嚟、同跳番隻舞佢睇，康華好開心。」
康華呢個Miss Look都幾吸睛。
鄭雋熹基本上一開口唱歌，康華已好想笑。
姚宏遠都好進擊吓，叫康華Miss幫佢搽油。
陳俊堅作狀送吻。
另外，徐榮在「見家長」短劇飾演爸爸，而鍾晴就飾演女兒。劇情講述七線藝人程浩駿前往見女方家長，當阿駿自我介紹完畢後，徐榮即苛刻連番質疑：「做電視台點搵到錢架？！」、「我個女食好住好，唔易養架！」、「你年紀都唔細啦」，縱然阿駿一再強調自己會積極進取，徐榮還是「聽唔入耳」。程浩駿透露短劇八成內容是取材自其親身經歷，並十分感激藝訓班師兄徐榮客串演出：「佢一直都有鼓勵我哋，又教我哋好多嘢。佢都有睇我哋youtube頻道嘅片，周不時畀意見之餘，又成日問我哋幾時預埋佢一齊玩，真係好好人、好冇架子。」
徐榮飾演阿爸。
鍾晴飾演阿囡，程浩駿應該係飾演番自己。
立即下載 | 全新《星島頭條》APP : https://bit.ly/3yLrgYZ
