黎諾懿創立個人品牌「店小懿」4年，疫市下今年繼續推出賀年糕點做慈善，捐給香港盲人輔導會支援製作點字圖書，而之前「姜糖」亦請來視障人士製作點字應援卡賀姜濤歌曲《Dear My Friend,》於多個頒獎禮奪獎，獲讚有善心。黎諾懿坦言今次善舉也獲好友鄭伊健及高海寧等應援，鼓勵視障兒童培養閱讀興趣。採訪：方騫平 攝影：沈健程
黎諾懿出賀年糕點做慈善，善款捐給香港盲人輔導會。
高Ling都好有善心。
識於微時的老友鄭伊健好支持黎諾懿。
好有善心嘅黎諾懿希望今次籌得40萬善款支援製作點字圖書，問到會否拉埋好友鄭伊健幫手？諾懿語帶肯定說：「佢同高海寧都好有善心會搞嘅，除此之外有位圈外老人家二話不說認捐500底糕點，然後送畀有需要人士。」黎諾懿去年首出中秋月餅，其中他堅持推出200個20黃大月餅，豈料市道唔好銷情失咗預算，蝕咗6位數字，但他沒有介意：「唔緊要啦！雖然蝕咗少少但善事一樣冇做少到，物資同樣捐晒出去畀有需要人士，我諗製作賀年糕點貨量會容易控制啲。」
去年黎諾懿首次出月餅蝕咗6位數字。
「姜糖」請來視障人士製作點字應援卡。
黎諾懿在記者會中親自煎蘿蔔糕。
「小春雞」變嗲BB
黎諾懿成為第2任爸爸後更關心兒童嘅成長需要，他自爆細仔「小冬牛」出生後，大仔「小春雞」變得更嗲更加黐身，好似變返個BB仔咁：「有日佢坐住嬰兒手推車，叫我推佢去金魚街買金魚，沿途又攬到實保護住包魚，朝朝起身數數量，咁都好嘅，畀返啲責任感佢，而且可以分散佢嘅注意力，唔使成日引人注意。」
「小春雞」好緊張寵物魚。
黎諾懿有咗「小冬牛」後，長子「小春雞」變得更黐身。
立即下載 | 全新《星島頭條》APP : https://bit.ly/3yLrgYZ
