農曆新年是家家戶戶團圓的日子，不過王力宏去年宣佈離婚後，前妻李靚蕾連環爆大鑊，二人關係鬧得好僵。月初王力宏隔離完畢出關返屋企探仔女，因在李靚蕾未同意下，帶同三名男子上門，更被李靚蕾指想破門而入，最後李靚蕾報警處理。連見面都鬧出咁大件事，外界都好關注他們是否已為子女達成共識，甚至會否於新年一家團年呢？
王力宏與李靚蕾離婚風波沒完沒了。
李靚蕾早前公開王力宏月初帶同三名男子回家探子女的CCTV截圖。
不過有指就算這段期間，雙方再見面，應該都唔會好似上次咁，讓李靚蕾在網上公開。事關據台媒報導，有傳雙方已簽定保密協議，如果王力宏再次探望三名子女，雙方均不可張揚。報導更指王力宏曾向友人透露，非常渴望探望子女卻未能如願，感到很沮喪。農曆新年或許會與李靚蕾互相進行讓步，一家食餐團年飯呀！
外界關注王力宏會否於新年回家見仔女。
立即下載 | 全新《星島頭條》APP : https://bit.ly/3yLrgYZ
