張智霖（ChiLam）、羅子溢（原名：羅仲謙）、黃浩然、熊黛林、梁靖琪（Toby）、郭政鴻等今日出席《家族榮耀》記者會。對於劇集在內地成績理想有得交代，子溢認為大家努力付出有成績，當然開心。
ChiLam在內地綜藝節目《大灣仔的夜》新一集中，與陳小春、謝天華、林曉峰及梁漢文從廣州坐船出海，並指想直抵香港「回家」兼觀賞維港夜景，被取笑想「偷渡」回港，ChiLam說：「船家都話呢條水路路線能到香港，但尚有幾個小時路程先到達香港水域，其實大家都知道絕對不能上岸。」有說網民認為節目組此舉是欠缺常識？ChiLam稱這個不清楚，一切是安排的；不過25日回港後，就趁機到了尖沙咀欣賞維港靚景，還有相約朋友玩久別重逢的麻雀，他笑言：「要跟麻雀做返朋友，因為做咗財神畀朋友搶先發了新年財。」不過，因為離港的8個月沒有駕車，ChiLam指再度駕車就有點陌生，要重新熟習，而繼26日為TVB錄影春晚後，稍後還要拍新劇，待5月再返內地。
張智霖唔想咁快做阿爺
有傳子溢不忿ChiLam跟自己的老婆楊茜堯（原名：楊怡）在劇中有許多親熱戲，要求增加跟李彩華親熱場口；子溢直認有主動要求，是因為覺得劇中兩公婆出門口，沒理由只是親下嘴仔、摸下鼻仔，所以就把跟老婆現實的生活化情景加入戲中，笑言已經很收斂。ChiLam即取笑對方道：「佢平時同老婆一定仲親熱，否則點會有兩個（小朋友），子溢係好勤力嘅人，可以再繼續生小朋友。」子溢稱自己已追到一仔一女湊成「好」字，反笑指會為ChiLam加油！但問到ChiLam會否再追，他即落閘說：「我唔細喇！不過我真係好鍾意湊BB，未必係自己，幫朋友湊都OK，都會好開心。」笑指以為要其讀初中的兒子讓他湊B；ChiLam今次更極速關後門謂：「做阿爺？年青人冇咁快㗎！」
問到茜堯未有出席記者會是否仍在坐月？子溢表示：「佢已經坐完月，不過想坐耐啲，身體好啲，佢仲話女人生完BB後係另一次發育，覺得自己高咗，我就叫佢生第3個，到時可以高過我，哈哈！」他自嘲現在是為老婆當助手，又有感而發表示ChiLam也經歷過，陪老婆坐月真的好悶，經常想出門口，ChiLam就教他可以做物流，這段時間出街買嘢已是男人的樂趣；子溢認同說：「所以我不停問老婆有乜要買，可能男性在母性方面真係冇女人咁強，性格較為外向。」
立即下載 | 全新《星島頭條》APP : https://bit.ly/3yLrgYZ
