洪卓立疑錯手爆戀情用男友視角Po《膠戰》Hillary甜笑攬狗相

34歲的洪卓立與湯怡拍拖11年，有指女方在愛情與事業之間，選擇了事業，最終在2018年11月宣佈分手。去年湯怡與排舞師麥秋成奉子成婚，洪卓立亦有送上祝福。

一直單身的洪卓立近日突然「洩蜜」疑自爆戀情，在IG限時動態上載一張女仔攬狗相，雖然很快便刪除，但被快手網民cap圖，並認出當中女主角：「膠戰Hillary同洪卓立拍緊拖？」相中的Hillary素顏，坐在梳化笑得好甜咁攬住狗狗，疑是「男友視角」。惹來網民議論紛紛：「Hillary唔錯呀，肯認係港女，加上拍完膠戰入晒屋」、「揀洪都證明唔貪錢，可能自己屋企大把。」

其實Hillary曾先後兩次為洪卓立擔任MV女主角，分別是2019年的《數寄屋橋次郎》與2020年的《喜劇收場》。拍《數》MV時，二人一齊去日本山形縣的雪山風景區取景，當時洪卓立亦有上載拍攝花絮相片，並跟女主角Hillary說「辛苦你了」;又在32歲正日生日當天上載一張Hillary從後擁著他的花絮相，並寫道：「最不一樣的」，當時似乎已露出一些蛛絲馬跡，有網民留言祝福：「咁快咁公開攬埋一齊」。

洪卓立在IG Story上載Hillary攬狗相，刪咗，但好快被網民cap圖。

Hillary曾有「翻版薛凱琪」之稱。

二人曾一起去日本雪山拍MV，Hillary從後擁著洪卓立，好Sweet。

Hillary兩度擔任洪卓立的MV女主角。

Hillary本身有兩隻狗，被指家境不俗。

另一隻狗狗，Hillary經常與狗仔一齊影相。

洪卓立與湯怡分手後一直單身。

呢隻係洪卓立養嘅狗狗。

討論區不少人都有談論Hillary是否女神級靚女，皆因她在《膠戰》系列一直是顏值擔當。靚與否見仁見智，但在昨晚（30日）《膠戰S2》播出的最後一集，其餘「5膠」就爆出Hillary是當中戀愛經驗最豐富的一位。玩遊戲期間，要考驗6位膠人的合拍性，其中一個問題是：「邊位戀愛經驗最豐富？」除了「煨Sir」Jeffrey，其他全部寫Hillary（劉沛蘅），並爆出Hillary「前度與阿正撞樣」，阿正仲補充：「識跳舞，明星嚟嘅」！

30歲的Hillary入行超過10年，曾有「翻版薛凱琪」之稱，與 Angelababy、熊黛林、廖碧兒等屬同一模特兒公司旗下，曾拍過微電影，還參演過電影《蝕日風暴》、《十二金鴨》及《八個女人一台戲》，去年主持ViuTV遊戲節目《膠戰》，其他主持包括呂爵安、岑珈其、魏浚笙、徐浩昌及黃正宜組成6膠，在節目中大玩遊戲，Hillary從此入屋。有指Hillary與狄以達曾經拍拖四年，到2014年分手。