過年是家家戶戶團聚的日子，但有些人因工作的緣故，無法與家人團年。日前一名居於慈雲山慈樂邨的女居民於社交平台發文，指大年初一於垃圾房見到一名清潔工婆婆僅穿短袖衫在寒冷天工作，擔心她太辛苦，於是回家拿團年飯及數件厚褸給她，豈料回到樓下卻得知對方已經下班。雖然事主最終未能送出禮物，但仍被街坊大讚，指她懂得關心身邊的人。

該名女居民於facebook群組「慈雲山資訊交流」發文，指昨日（1日）路經慈樂邨的垃圾房時，見到一名短頭髮的清潔工婆婆在工作，當時婆婆僅穿短袖衫推着垃圾車，令樓主非常擔心，「今日天寒地凍，我見佢好辛苦，即刻衝上屋企整咗一盒團年飯，加搵咗兩三件厚褸，諗住即刻衝落去送畀佢，落到去搵咗佢好耐，但唔見人」。

她向周邊的保安查詢，始發現清潔工婆婆早已下班，「大家如果聽日見到佢，可唔可以同我講聲，我想拎啲禦寒衣物畀佢」，另外又希望有需要的人士可以得到幫助。

多名網民留言大讚樓主，在假日中仍懂得關心身邊的人，「大家要發揮互助互愛精神、多啲關心身邊嘅人」、「好善心，祝福妳一家人身體健康」。不過，亦有居住多時的住客透露，婆婆原來是水上人，較一般市民不怕寒冷，「我住咗8年都係見佢着短袖衫，佢之前係水上人所以放心，我都見慣見熟，我之前都驚佢凍，呢個婆婆好勤力亦都唔會偷懶」。

來源：facebook群組「慈雲山資訊交流」

立即下載 | 全新《星島頭條》APP : https://bit.ly/3yLrgYZ