《全民造星IV》再掀女團熱，雖然另組「女版ERROR」DOLLAR的傳聞已遭否認，但曾被指是成員之一的葛綽瑤（Yoyo）率先跑出，近日夥拍姜濤及陳卓賢主演新劇《季前賽》，日前再獲廣告商睇中，跟一同殺入20強的陳昭煊（超酸）為珠寶首飾品牌推出的全新系列拍硬照。同屬Team A的兩人感情深厚，拍攝當日合拍地擺出優雅的舞姿及「心心」Pose，Yoyo表示平時有買開手鍊，特別鍾意簡單小清新款式，又謂：「今次可以同超酸合作好開心，我哋拍足成日笑唔停！」超酸亦盼稍後跟Yoyo有更多合作機會。
拍攝當日，超酸（右）和Yoyo合拍地擺出優雅的舞姿，默契十足。
Cherry（左）及Kyle在拍攝現場大放閃光。
另一邊廂，李璨琛女兒、「BB界KOL」李元元（Lucy）也跟媽媽梁志瑩（Sophia）母女檔拍宣傳照，席間Sophia幫囡囡戴上首飾時，Lucy即手舞足蹈興奮不已，還急不及待向鏡頭擺出嘟嘴、單眼、扮兔仔等超萌甫士，旋即被媽咪大爆超級貪靚：「阿女好鍾意扮靚，成日玩化妝玩具、搽指甲油等，啱啱見到咁色彩繽紛嘅獨角獸頸鍊，對眼即刻發晒光，全程戴住仲唔捨得除！」
此外，「智將情侶」李星熲（前藝名唐詩勁，Cherry）及王啟豪（前藝名崔建芒，Kyle）拍拖6年仍形影不離，二人於拍攝期間Sweet爆合照，並向大家分享愛情保鮮法：「一齊耐咗都要記得拍拖放鬆一吓，同另一半一齊做啲無聊嘢。」
貪靚的Lucy全程戴住頸鍊，仲唔捨得除。
Lucy在鏡頭前狂擺甫士，被媽咪Sophia大爆超貪靚。
立即下載 | 全新《星島頭條》APP : https://bit.ly/3yLrgYZ
