肥媽和陸浩明（6號）主持的TVB全新烹飪節目《煮．野食》，昨晚（9日）播出的一集，兩人到元朗大生圍優質養魚場，並邀來謝嘉怡做嘉賓。做慣「阿四」的6號今次終不用獨自執行任務，孖住靚女謝嘉怡撐船仔出魚塘撈魚。所謂「靠山吃山、靠海吃海」，今集食材全部即撈即煮，肥媽即場炮製「酸梅麵豉寶石魚」及「薑蔥蠔油黃鱔」，食到大家舔舔脷！
身為港姐冠軍的謝嘉怡被肥媽大爆私下相當「麻甩」，更被封「排骨妹」：「佢日日食排骨㗎，佢選完港姐嗰日都係想食排骨飯！如果想溝佢，帶佢食排骨飯、大牌檔、煲仔飯就得喇！」由於謝嘉怡自小在英國生活及長大，肥媽要求6號用英文介紹「薑蔥蠔」，豈料6號卻將「Onion（蔥）」讀成「Alien（外星人）」，肥媽即一面嫌棄糾正其發音，6號更「唔怕醜」大教嘉怡港式英語「Eat Yourself」（食自己）。
肥媽和6號合作多時，默契十足。
嘉賓謝嘉怡親手試捉魚。
肥媽爆謝嘉怡獨愛食排骨飯。
6號接受訪問時開心透露節目首播反應理想，並笑指肥媽有意添食拍第二輯：「我聽到好似話第一日跨平台直播收視過咗17點，搞到我同肥媽都好開心。其實阿媽今次拍呢個節目真係幾辛苦，不過佢一聽到個好消息，就即刻話想添食拍第二輯啦，真係好感謝一班同我哋一齊努力咗咁耐嘅工作人員。」
6號講英文大出洋相。
6號指肥媽有意開拍第二輯。
立即下載 | 全新《星島頭條》APP : https://bit.ly/3yLrgYZ
