韓國長壽綜藝節目《Running Man》（《RM》），各成員感情都非常好，尤其幾位元祖級成員劉在石、池石鎮、HAHA、 金鍾國與宋智孝，相識超過10年，彼此都非常了解，私下更會相約見面。最新一集《RM》，HAHA又大爆金鍾國的慳家本色，笑翻眾人。HAHA在節目中說到有次大熱天時到訪金鍾國的寓所，大家都出晒汗，但金鍾國都唔開冷氣。而一旁的池石鎮問道，婚後會為了老婆仔女開冷氣或暖氣嗎？金鍾國就再強調：「當我結婚了，我會讓妻子為所欲為。」不過成員們就睇死金鍾國會在旁碎碎唸。
HAHA爆金鍾國夏天唔開冷氣，啲濕紙巾4年都未用晒。
HAHA更稱金鍾國4年前新居入伙，一眾好友上門為他慶祝，之後留低咗啲濕紙巾，金鍾國竟然用到而家都未用晒，大家都笑他非常慳家。而坐在金鍾國身旁的宋智孝此時剛好用紙巾擦鼻子，然後就放回袋子中，此舉動被劉在石目擊：「你又在提前練習！你用行動來證明了。」眾成員又借意撮合宋智孝與金鍾國，非常爆笑。
宋智孝收埋張用過嘅紙巾。
好多《RM》Fans都想金鍾國同宋智孝一齊。
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
