黃曉明上月底宣佈與Angelababy（楊穎）離婚，二人未有公開離婚原因，因而引起網民揣測。宣佈離婚當日即傳出，黃曉明離婚前就追求緊抖音網紅周子然，搞到周子然都在微博回應：「謠言止於智者。」不過後來被內地網民拆穿，疑似係周子然用另一個帳號爆料，自導自演與黃曉明的緋聞。
網紅周子然疑似放風話黃曉明追佢，點知被拆穿係自導自演。
自爆緋聞再出Po。
黃曉明上月底宣佈離婚，網民好關注他的感情生活。
但一個少少的爆料，都引起網民關注，就知大家幾關心黃曉明離婚後的感情事啦！前日深夜（11日）黃曉明於抖音上載新片，可見他正努力健身操老鼠仔，更用咗小熊貓Filter，有個類似滑雪鏡的特效在其臉上，懶可愛咁。鏡頭一移，竟然見到曾拍《後宮甄嬛傳》演華妃一角的女星蔣欣攝鏡，原來她與黃曉明身處同一個健身室做運動，即時引來網民討論，傳二人拍拖。不過黃曉明Fans就相信二人本來就是好朋友，應該係咁啱喺健身室撞到咋！
黃曉明將健身過程拍成抖音片分享。
後面仲有蔣欣。
38歲的蔣欣曾拍《後宮甄嬛傳》演中華妃一角。
而一條抖音片引起嘅話題，仲有黃曉明拍片用嘅特效！事關他Po完片幾個鐘後，即是昨天（12日）凌晨，他的前妻Angelababy也有分享抖音片，而且與黃曉明一樣用埋同一個小熊貓特效，網民都話呢對前夫妻仲好有默契噃！
Baby喺前夫Po完片之後幾個鐘都有Po片，仲咁啱同前夫用埋同一個特效。
網民話佢哋離咗婚都依然有默契。
更多第5波疫情資訊，請到以下專頁瀏覽：（按此）
立即下載｜全新《星島頭條》APP：https://bit.ly/3yLrgYZ
