疫情下嘅大初四係開工吉日，當日「環星娛樂」老闆張國林率旗下歌手新春團拜。受疫情影響環星娛樂有幾個演唱會被迫延期，張國林尤其肉赤「靚聲王」張偉文本應追加3月嘅紅館騷都要暫緩，唯一可幸環星音樂平台「聲級靚聲演唱廳」點擊率激增，尹光笑言：「環星歌手Sell靚聲係唔會衰，唱歌係唔計年齡嘅。」採訪：方騫平 攝影：葉君海
(左起)尹光、方俊、楊立門、張國林、張子丰出席環星娛樂新春團拜。
環星娛樂台前幕後齊齊「撈起」。
仲齊齊切金豬。
當日尹光、康華、楊立門、何婉盈、張子丰、莫旭秋、敖嘉年和方俊(Aman)等齊齊「撈起」及切燒豬，之前經理人好友方俊出錢出力安排張偉文再接受微創腰椎手術，術後張偉文雙腳有返啲力，原先打算3月再登紅館，但計劃趕不上預期。方俊表示好可惜，因為有好多fans都支持張偉文，而新年期間方俊為朋友放生積功德，希望有朝一日偉文可以企得返喺舞台唱歌。
張偉文去年12月完成首場《友情有義演唱會》，方俊及姚煒做嘉賓。
方俊放生為朋友祈福。
方俊出錢出力安排張偉文再接受微創腰椎手術，術後張偉文雙腳有返啲力。
環星音樂平台點擊率激增
至於張子丰喺疫情下會繼續出新歌《保持通話》，強調唔會因此而減budget；離開咗TVB兩年嘅敖嘉年稍後幫ViuTV拍劇，聽聞演員仲有3位MIRROR成員，所以都幾期待；楊立門之前喺環星音樂平台唱英文歌，他希望今年會搞到實體show；張國林話疫情下「聲級靚聲演唱廳」點擊率激增，其中喺年初一播出嘅賀歲篇收看人次已累積到42萬，都算係受歡迎，可能大家冇乜地方去。「環星一哥」尹光笑說：「我哋係老MIRROR，成熟派有成熟嘅市場，我哋Sell靚聲，唱到90歲戴假牙都要唱，永不言休，因為我可以唱粵曲、時代曲、仲Rap得，相當廣泛。」張國林點頭同意說：「環星歌手係唔會被淘汰。」
環星音樂平台「聲級靚聲演唱廳」賀歲篇，累積超過42萬點擊。
敖嘉年、楊立門、尹光及何婉盈各具實力。
敖嘉年、楊立門、尹光及何婉盈各具實力。
立即下載 | 全新《星島頭條》APP : https://bit.ly/3yLrgYZ
更多第5波疫情資訊，請到以下專頁瀏覽
按此 (https://bit.ly/3JqiBzz)
