疫情持續嚴竣，影響買家睇樓意慾，大屋苑睇樓量應聲齊跌，其中鰂魚涌太古城近兩日睇樓量比上周急跌八成。
中原分行經理潘浩其指，太古城近兩日僅錄兩組睇樓客，較上周急跌8成，業主紛減價吸客，由於3房盤源最多，減價幅度亦較大，最多達一成，現時匙盤比例由3成提升至4成。
利嘉閣聯席市務董事郭永峰表示，荔枝角美孚新邨近兩日睇樓量，亦較上周跌兩成，其中望市景為主的單位，業主議價幅度由上月的3%至5%，近日已增至5%至8%。
中原地產分行周德龍指，紅磡黃埔花園近兩日睇樓量比上周跌兩成，其中3房睇樓量較硬淨，2房則跌最多，現時睇樓及成交都集中匙盤，佔整體比例由兩成升至三成，而業主心態軟化，議價空間由3%增加至5%。
至於新界區方面，祥益高級經理謝利官指，天水圍嘉湖山莊近兩日睇樓量，對比上周跌約兩成，業主心態軟化，議幅增加至3%至5%，個別更達7%至8%。
美聯首席助理聯席董事黃錦瀚表示，沙田第一城不少買家出動搵平貨，近兩日睇樓量對比上周靠穩，近日亦亦錄減價成交，23座高層B室，面積451方呎，3房間隔，減價後以748萬售，呎價16585元。
更多第5波疫情資訊，請到以下專頁瀏覽：https://bit.ly/3JqiBzz
立即下載 | 全新《星島頭條》APP : https://bit.ly/3yLrgYZ
嘉湖山莊業主議幅漸增。
美孚新邨近兩日睇樓量，亦較上周跌兩成。
太古城近日睇樓量按周跌80%。
