香港電影金像獎去年受疫情影響，董事局經審慎討論後，決議順延《第40屆香港電影金像獎頒獎典禮》至今年，並已定於4月17日在尖沙咀文化中心舉行。
《第40屆香港電影金像獎頒獎禮》記者會今日在九展舉行，除了有金像獎協會董事局主席爾冬陞外，還有曾奪金像影帝的張家輝及導演彭秀慧，負責公佈19個獎項的入圍名單。經過一輪投選，由鄭保瑞執導的《智齒》獲最多提名，當中包括最佳電影、最佳導演、編劇、最佳男/女主角，以及最佳女配角等，合共有14項。僅次其後，是近日被梅啟明入稟控告的《梅艷芳》，獲最佳電影、最佳女主角等12項提名。
大眾焦點當然落有影帝影后身上，今屆入圍「最佳男主角」提名名單，林家棟「起雙飛」同時有兩電影《手捲煙》和《智齒》入圍，有望再奪影帝；而對手還有85歲的謝賢主演的《殺出個黃昏》、梁仲恒《媽媽的神奇小子》及吳鎮宇《濁水漂流》。
而林家棟表示：「今次（提名）當然開心啦，除咗自己有提名，最開心係四哥有提名，當然包括新人鍾雪瑩。最緊要多謝成個團隊，因為參與嘅人都付出好大信任。《智齒》多謝監製Paco（黃柏高）、葉偉信、導演鄭保瑞，俾呢個機會我試吓做一個唔頹嘅男人，多謝所有參與嘅人，好似強哥（攝影指導鄭兆強）同埋所有提名人，能夠參與與有榮焉。嚟緊我地要繼續努力，希望再做好啲，將來有更多好電影出現。」
「最佳女主角」方面，首次登上大銀幕的王丹妮憑《梅艷芳》爭影后，同時入圍最佳新演員，另還有《馬達．蓮娜》周秀娜、《智齒》劉雅瑟，以及勵志電影《媽媽的神奇小子》吳君如及影后級人馬的鞏俐《奪冠》。而「最佳電影」提名名單則有《怒火》、《梅艷芳》、《智齒》、《媽媽的神奇小子》及《濁水漂流》。
對於入圍最佳男主角，謝賢表示驚喜：「我嗰時入行未有金像獎，到有嘅時候，我又減產，以為三年前得到『終身成就獎』，終身？無喇？點知今年有機會有提名，電影就係咁神奇，我要多謝田立秋，多謝蔡鳳『馮寶寶』一齊殺出個黃昏。更加要多謝觀眾支持《殺出個黃昏》呢一部咁有心嘅電影！ 」吳鎮宇回應說：「多謝多謝大家😊會繼續支持香港本地電影和同新導演合作！
另外，憑《馬達・蓮娜》入圍最佳女主角的周秀娜表示：「多謝導演陳雅莉同埋好對手張繼聰！我可以入圍已經好開心，入圍金像獎對我嚟講係好有重大意義。因為電影拍攝時候適逢疫情，近日香港又係疫情爆發，好艱難，聽到入圍呢個消息都令自己心情有啲唔同。咁啱依家拍緊戲，嗰場戲講我啱啱瞓醒！我都想知我究竟係咪未醒仲
發緊夢呀！」
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
