第5波新冠疫情嚴峻，老人院成為重災區，多間院舍出現爆發。住喺太子一間護老院嘅「靚聲王」張偉文亦中招被送往廣華醫院治療，經理人兼監護人方俊（Aman）暫未有張偉文進一步消息，既擔心又焦慮。
近年張偉文起居生活由經理人方俊照顧。
去年底張偉文舉行個唱，跟方俊同台演出。
原來張偉文所住嘅安老院舍，樓下兩層先爆發，因而迅速擴散，方俊稱今日接到院舍負責人電話，指院內有一位職員證實染疫，經快速測試後多位院友同中招，不過只有長期病患嘅張偉文及另一位情況較嚴重的院友獲送入院。據了解，張偉文日前開始喉嚨痛及疲憊，不時臥牀，但礙於他有腦退化症，唔善於表達，大家都唔知他中招，加上張偉文未接種疫苗，醫院方面又未有回覆，種種因素都令到方俊非常擔心，如再冇消息打算明天到醫院了解。
新年期間方俊放生為張偉文及身邊朋友祈福。
舉目無親嘅張偉文近年入住香港一間老人院。
69歲嘅張偉文患有糖尿病及腦退化症，近年受腰椎病困擾，不良於行要坐輪椅代步，更因為舉目無親要入住安老院，生活費要由方俊補貼。方俊表示，因為疫情問題，近一個月張偉文都滯留安老院內不能外出，安老院更謝絕探訪，張偉文不時大發脾氣，試過掟嘢及頭撞牆，他卻愛莫能助。方俊好友姚煒聽見都肉赤，曾提出接偉文到她家中暫住，可惜並冇相應配套及專人可照顧到張偉文，但都感激姚煒咁有心。
農曆新年前方俊曾安排張偉文再接受腰椎手術，術後令偉文雙腳有返啲力。
姚煒對張偉文都好有心。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
