飯盒遞到車窗當外賣惹網民不滿。資料圖片

本港第5波疫情確診數字高處未算高，社交限制措施收緊晚上無堂食，加上近日天氣又濕又凍，市民大多不願出門，寧叫外賣。其中有網民在社交大呻「中伏」，只要求店員將飯盒遞到車窗交收，都當成外賣，一盒燒味飯32元變44元，相差12元，令人咋舌。嬲爆話無下次！

該名網民上周六（19日）在社交網facebook「中伏飲食報料區」指，當日下著大雨駕車到平日有叫開外賣的葵興一家餐廳購買32元的燒味飯，因為無雨傘不想下車濕身，於是問收銀阿姐能否將飯盒遞到其座駕的車窗旁交收，當時阿姐話；「當然可以無所謂」。樓主又強調「間鋪門口有簷蓬，遞岀門口嗰夥計係唔會濕身」。

不過，3分鐘後她接到阿姐再打電話來，話：「老細話遞出門口都算係送外賣」，盒飯需由自取價32元變成外賣價44元。店主的規定令她十分不滿：「只係遞出嚟都算係送外賣？唔係嘛！我平時幫襯開佢外賣都無講過要收錢，加幅近四成，而家咁樣無故濫收人錢公道嗎？超無奈！離晒譜！盒飯唔要喇！燒味老細你自己食埋佢啦！無下次唔會再幫襯！」。

帖文一出，引起網民熱議，有人認同樓主，「間鋪唔啱啦，拎一拎出門口行兩步要收多人10幾蚊，離晒譜」,「公道啲講，你要收$44唔係問題，一早講明，咁咪落車拎」。

亦有人認為，「幫你係人情，唔幫你係道理。個簷篷如果遮到阿姐咁即係一樣遮到你啦」；若不滿餐廳收取外賣費用大可自行落車取餐；「個個都咁做，啊姐都幾唔得閒。」

立即下載｜全新《星島頭條》APP：https://bit.ly/3yLrgYZ