本港第五波疫情嚴峻，娛樂圈亦相繼爆疫，前女子組合HotCha成員張惠雅（Regen）今日（22日）在社交網自爆確診，她上載快速測試呈陽性的照片，以長文分享發病經過及病徵。她表示因連日大雨，所以其位於長洲的Cafe未有開舖，而餐廳暫時會停業直到她康復為止。
Regen透露發病日期是20號凌晨，但感染源頭不明：「本人好宅 ，基本上平時我都係唔出街困喺房唔接觸人 ，所以源頭唔太清楚 ，屋企人都無感染無症狀。」她續指起初出現周身骨痛 、流鼻水 、發燒發冷等症狀，但亦沒有為意，以為自己只是冷親。直至今日要到觀塘及打算回娘家，途中進行快速測試時才發現染疫，她續道：「我覺得當時好似一個通緝犯，落雨個頭又濕，好猥瑣，成件事都好狼狽，我匿埋喺廁所幫自己檢測（係咪諗到個畫面都覺得好可憐），超快一分鐘唔使就已經出咗兩條線。」
張惠雅表示感染源頭不明。
張惠雅位於長洲的Cafe，已有幾日沒開舖。
Regen指當時在廁所內不敢大大聲講「我確診咗」，感覺非常無助：「諗起唔知可以去邊度，返西灣河嘅話又要再一次吹風淋雨，覺得好無助，我喺車上面好想喊，但係又唔喊得因為啲眼淚會有病毒，最後好在得到屋企嘅批准，而家返咗屋企，決定困自己喺房唔沖涼直到negative為止。」她更列出自己曾到過的地方，並提醒大家可以做快速測試。
張惠雅寫長文交代發病經過及行蹤。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
