與此同時，地緣政治升溫下，油價持續上升，令通脹高企，美國前財政部長薩默斯表示，擔心烏克蘭危機可能削弱美國聯儲局遏制通脹嘅努力。而歐洲央行行長拉加德表示，將致力維護物價穩定和歐元區的金融系統，包括確保現金和流動性可用，並在設定貨幣政策路線時確保可選擇性和靈活性。
雖然美股上周五大幅反彈，但周末期間又傳嚟俄羅斯總統普京昨更命令「核威懾力量」要處於高度戒備狀態，戰事短期難結束。偏偏喺3月美國聯儲局加息機會極大，稍有風草吹動，定必引起金融市場震動，到時金融市場先發生核爆。
港股3月係傳統業績旺季，但喺內外不利因素夾擊下，包括本地疫情幾可級數爆發，俄烏局勢則不斷升級，再加埋內地新一輪監管有捲土重來之勢，嚴重打擊投資者入市信心。科技股喺監管陰霾下無運行，港港零售及銀行板塊則被疫情限制措施拖累，港股3月岌岌可危，恒指有機會穿底，目前喺1月份低位22600水平徘徊，若本周未能重上23000至23500點，港股再穿底機會大增。
雖然俄烏戰事未對中港民生和經濟帶來直接影響，但市場避險氣氛急升溫，拖累港股難以擺脫頹勢，而油價升勢持續，推高通脹，令部分企業盈利受壓，加上美國聯儲局「收水」步伐未有放慢跡象，種種原因都係淡友發揮嘅好機會。
恒指目前已失守多條移動平均線，除非喺現水平22600至22700止跌升，營造三底形態，否則大市再跌千點，下試21500再尋底機會大增。
古天后
(徐狄怡，證監會持牌人)
