黃翠如與洪永城（Tony）向來老友，並以「兄弟」相稱，去年12月，Tony太太梁諾妍（Inez）為他誕下囡囡Amber，翠如即升呢做契媽。可惜，受疫情影響，加上禁止跨家庭聚會，這位契媽只能夠透過視像通話，隔空跟契女見面。
Amber氹得契媽好開心。
黃翠如昨（27日）晚在社交網上載了她與蕭正楠，跟洪永城一家三口視像的截圖，相中Amber肥嘟嘟很可愛，翠如兩公婆見到契女，即笑到見牙唔見眼，母愛氾濫的她更寫道：「Sweet moments我契女，棉花糖一樣，好想抱。」另一張相Amber見到蕭正楠就扁扁嘴，翠如笑指：「契女對契爺應該有D不滿」。Inez就替囡囡留言：「洪寶寶：契媽抱抱」，翠如即肉緊表示：「救命，我衝嚟你屋企㗎喇」。Tony則留言指翠如單方面宣佈「契媽」身份：「你點可以單方面宣佈㗎，你有冇問過amber…，不過有你呢對契爺契媽都有着數嘅，我考慮吓遲啲覆你」；翠如亦回應：「你老婆話好呀」，網民則紛紛留言催促翠如「快啲生番個」。
Tony去年結婚，翠如同阿蕭送大金鏈，他們做囡囡契爺契媽當然有着數。
更多新冠疫情資訊請到以下專頁瀏覽：（按此）
立即下載｜全新《星島頭條》APP：https://bit.ly/3yLrgYZ
