本港第五波疫情嚴峻，確診數字日創新高，今日網上流傳指政府將計劃「全城禁足7日」，消息一出，市民即四出儲糧入貨，多區超市出現搶購物資的人潮，大部分貨架都被一掃而空。森美今日便於社交網上載兩張超市實況的照片，一張是貨架被搶購一空，而另一張則是還有大量存貨的辣味即食杯麵，並寫道：「香港人定啲！冇事嘅！不過做即食麵嘅公司如果發現貨架上面，你兩個口味仲有貨！要諗諗點解！！！ #盲搶炎」
森美朋友直擊將軍澳超市現場。
只餘下些少杯麵。
疫情下森美工作如常。
有網民笑指：「市場調查，即係冇得食都唔揀」，不過亦有人直斥森美：「叫人唔好驚就咪post呢張相出嚟啦」。
森美喺疫情下仍有戶外活動吸收新鮮空氣。
森美接受本報訪問時強調冇去搶糧：「唔係我，係我住喺將軍澳嘅朋友send啲相畀我嘅，因為佢落屋企樓下買麵包等乜都買唔到冇晒嘢食，所以我咪出呢個post叫人唔好去盲搶囉，冇嘢嘅！我冇去撲呀。」
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
