雖然喺俄烏戰事爆發後，美股在急跌後，終能在上周兩個交易日回升，反映市場有不俗承壓能力，只係歐美對俄國制裁升級，市場或無法負擔全球經濟衰退帶嚟嘅衝擊。事實上，隨住各地政府加強對俄羅斯的制裁力度，油價再度飆升，美國國債孳息率向下，反映民眾對經濟增長前景憂慮加劇，美元上升亦令市場擔心2008年的流動性風險將重演。若全球經濟向下，股市將難以保持韌性。
即使過往多次喺大幅調整後，均能再創新高，不過今次巿過往，主要係油價、聯儲局貨幣政策趨緊、通脹風險、疫情未散，以及自二戰以來最緊張嘅地緣政治局勢等因素所影響。美國今年有機會步向衰退，股市亦可能步入熊市。美銀證券警告，近期股市反彈或唔長久，今年將步向熊市，投資者傾向持現金及商品，除O左聯儲局加息等負面因素外，俄烏局勢或引致滯漲，令經濟前景變得暗淡。幸而摩通仍然樂觀，表示股市將反彈，現時拋售股票造成風險，睇返過後歷史，因大型軍事衝突損害投資者信心嘅現象並不持久，最後甚至成為入市時機，故促投資者保持冷靜，並持長線態度看待。
古天后一向係大好友，但目前情勢確係極度唔明朗，美股喺唔喺呢個時氣出手撈貨言之尚早，不過仲有貨喺手，只要唔係重倉，又平衡過風險嘅話，暫時就唔再喺現水平拋售，守住上手嘅貨待大市跌定再出手。睇返港股呢邊，形態上已明顯轉弱，尤其恒指上到25000左右行人止步，並急速隨地緣政治因素下跌，已形成雙頂走勢。雖然暫時叫守住喺22600水平左右，但再一次穿底創近兩年新低係事實。恒指如未能短期內重返23000-23500企穩，後市都係偏軟居多，即使唔再向下尋底，亦要喺低位徘徊一段時間。
古天后
(徐狄怡，證監會持牌人)
