而歐美各國對俄國制裁，掀起金融市場嘅不確定性，雖然大多數美國銀行幾乎都冇直接接觸俄羅斯公司，但目前仍難清楚美國對俄羅斯金融體系嘅制裁將點樣影響歐洲銀行，進而影響美國。尤其係俄羅斯通過歐洲嘅代理銀行關係，跟意大利銀行、法國銀行、奧地利銀行等進行O左大量貸款活動。美國及其盟國嚴厲制裁正打擊俄羅斯經濟及該國央行。大公司遵守美國及其盟國制裁，其中，萬事達卡和Visa正阻止俄羅斯金融機構進入他們嘅支付網絡。與此同時，俄羅斯央行周一將其關鍵利率提高O左一倍以上去到20厘，因為盧布兌美元匯率暴跌。
地緣政治不確定性、通脹高企、利率上升及技術價格趨勢惡化，同時打壓市場情緒跟股價，相信市場波動將會增加。另一方面，市場憂慮俄烏危機會導致原油供應大幅受阻，刺激國際油價急升至每桶100美元以上水平，為逾7年高位。紐約4月期油高見每桶106.78美元，升11.5%，創自2014年6月以來的高位，全日收報每桶103.41美元，升7.69美元或8.03%。油價高企亦會令通脹持續高企，但喺戰局拖累經濟下，加息呢招未必用得著，本月聯儲局議息或陷入兩難局面。
至於香港呢邊，除O左受國際地緣政始局勢緊張所影響，港股持續走弱，主要係港股一向資金流動自由，港股往往喺呢O的時勢，就會淪為大戶嘅「國際提款機」，加上美國今月加息機會大，雙重打擊下港元匯價連日走弱，周二(1日)再創逾兩年新低。喺缺水嚴重下，港股又點會有運行，即使港股目前估值已低殘，暫時亦難獨善其身，亦要跟隨外圍股市走弱。恒指已先後失守24000及23000大關，若本周內仍無法重上23000至23500點，恐怕進一步尋底下試22000機會極大。
古天后
(徐狄怡，證監會持牌人)
