由於疫情爆發第5波，所有娛樂場所包括健身室在內，都必需暫停開放直至4月底，令不少愛健身的市民都苦惱。而圈中一眾大隻仔冇得去Gym Room，仲要日日留家抗疫難免食多咗，一排「朱古力」都幾乎變返「拖肥」，難怪陳家樂都在IG分享以前啲晒肌相，留言稱：「可唔可以至少畀返呢幾粒我？幾時開gym？雖然唔大，但唔Keep都真係會冇。」
肌肉~唔Keep好易冇！
希望過多幾個月家樂唔會變肥仔啦！
而一向成身肌肉的丁子朗都出Po表示：「我哋幾時至可以再去做健身？」更指自己的身形正在倒退中。然而戴上口罩裸着上身盡顯身形的照片，當然吸引網民羨慕又妒忌留言，「冇得輸」、「駛唔駛咁型，咁性感呀!」、「身材fit爆」等。另一大隻仔羅浩銘則反問自己：「好難想像捱到健身房開嘅時候，我會肥到甚麼程度？」他更留有一個豬頭Emoji來比喻，最後他惟有勉勵自己，疫情下只能繼續作出家居操練。
丁子朗一向都成身肌肉。
唔知冇得去Gym，佢喺屋企會唔會咁樣做運動呢？
羅浩銘對肥嘅定義，同大家應該好唔同。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
