何雁詩（Stephanie）已懷孕6個月，雖然疫情大爆發，但佢冇話驚到唔敢出門，仍然會同老公鄭俊弘出街入貨。從佢上載嘅片可見，兩公婆先去買點心上車食，食飽就一齊去街市買嘢，掃紅棗、雞蛋、蘿蔔、凍肉等等，不過對於冇乜新鮮肉只能買凍肉表示好Sad，最後見到砵仔糕亦忍唔住買。
大肚婆每星期出街行吓。
老公拎埋手推車去掃貨。
輪流拉手推車。
食點心當午餐。
買蛋。
買凍肉。
仲有買砵仔糕。
Stephanie表示明白現時人人都好關注健康，但佢認為心理健康亦同樣重要，所以偶然要做啲令自己開心嘅小事，將愛送畀想念嘅人，亦要愛自己多啲，所以佢𠵱家一星期出一次街補貨，買自己鍾意嘅美食，補購烘焙用品嚟獎勵自己。另外，Stephanie留意到現時好多貨定價過高，所以會盡力格價，覺得咁做可以減壓，更勉勵大家一切將會過去，希望大家都平安。
何雁詩送吻祝大家平安。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
