去年「泰國通」胡慧冲(Roger)喺疫境下拍咗《疫後冲遊》，帶出疫情後泰國嘅最新資訊成為《冲遊泰國6》的重點，最近拍緊嘅《冲遊泰國7》除咗介紹返曼谷、布吉、清邁、芭堤雅旅遊資訊外，仲暗藏當地抗疫及當地人艱苦經營情況。今次Roger仲懂得「自肥」，安排咗3位美女及一位小鮮肉陪伴演出。採訪：方騫平
胡慧冲及鄺玲玲喺芭堤雅一個鳥巢上食飯，環境舒適。
兩人去到一個以雪糕甜品作為主題嘅打卡樂園取景。
為咗增加新鮮感，今次會加入泰國新主持，每個地方安排唔同嘅拍檔上陣，除咗唔少得32C冬蔭妹及「布吉妹李嘉欣」繼續晒身材外，仲會加入港泰混血兒「叉燒姐」鄺玲玲：「雖然佢身材唔夠冬蔭妹及布吉妹咁澎湃，唔會有游水鏡頭，最多只係着住小背心浸住水食早餐，但勝在懂得講廣東話，能互相交流而且幾靚女，咁樣多嘢玩好多，當中亦會教講泰文及講吓泰國冷知識。」
32C冬蔭妹都會繼續喺呢輯節目中晒身材。
今次仍然有布吉妹助陣晒身材。
芭堤雅一間以美人魚作為主題嘅餐廳，有個大公仔頭竟然跟「叉燒姐」撞樣。
留美好回憶
由於J2台變得更年青化，Roger坦承第七輯《冲遊泰國》好有可能係最後一輯，之後唔排除會換個新形式合作：「因為對呢個節目好有感情，我如同當年梅艷芳知道自己可能係最後一次踏上舞台表演咁，點辛苦都要好頭好尾令自己有個美好回憶，今次甚至超支，做多首新插曲。」
新一輯節目，Roger加入港泰混血兒「叉燒姐」鄺玲玲。
對於疫情下周圍去拍嘢，Roger堅持自求多福：「泰國疫情數字算係嚴重嘅，但大家都習以為常，個個樂觀面對，生活如常，相反香港情況仲慘，哀鴻遍野。之前我喺曼谷一間佛寺不忘為港人祈福，希望疫情盡快過去，香港唔好咁慘啦，當日喺泰國見到嘅醫院、殮房等畫面竟然喺香港出現，見到都好心傷。」
Roger喺曼谷一間佛寺附近取景，他不忘為港人祈福。
除帶出旅遊資訊，新一輯仲加入生活小貼士。
胡慧冲二月生日，去咗香港製作人楊紹鴻喺泰國嘅屋企食住家飯慶祝。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
