第5波疫情嚴峻，老人院失守爆疫，而69歲「靚聲王」張偉文早前喺太子一間老人院舍確診並送到醫院醫治，住院期間一度傳出病情惡化消息，醫生一度指張偉文持續發燒，半邊肺變花及血含氧量偏低，情況不太樂觀，令人擔心，幸而日前經已退燒，病情轉向穩定。
張偉文漸見康復，情如父子嘅方俊最開心。
張偉文𠵱家胃口大開兼且中氣十足。
張偉文上月喺老人院受感染。
張偉文仍然留院中，但新冠病毒快速測試報告經已呈陰性。
張偉文好返方俊最開心。
經過連日來張偉文朋友陳美齡、尹光、環星娛樂老闆張國林、姚煒等及fans集氣下，張偉文病情再傳來好消息，經理人好友方俊(Aman)今日再接獲醫生電話交代最新消息，醫生指張偉文病情進一步再好轉，新型冠狀病毒經已由陽性轉回陰性，𠵱家轉咗另一間隔離病房，同埋唔使再用氧氣機，胃口好，中氣十足可以講話，相當精神，算係過咗危險時期，暫時仍要用類固醇治療及藥膏治療壓瘡，惟一邊肺變花嘅問題需時康復和改善，應該唔會影響到唱歌。
方俊新年期間曾放生為朋友祈福。
姚煒對張偉文都好有心，不斷為他祈禱。
方俊帶頭拍片鼓勵張偉文加油。
環星娛樂老闆張國林有拍片支持張偉文。
身在日本嘅陳美齡都拍片幫張偉文打氣。
Fans期待張偉文再現舞台。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
