丁子朗（丁丁）早前接受TVB娛樂新聞台節目《星光路上》專訪，與主持潘盈慧大談入行5年多的趣事及心路歷程。為追尋演藝夢，丁丁2016年由加拿大隻身來港，以19歲之齡參選香港先生，最終奪得亞軍成功入行，他坦言父母當時並不支持：「父母真係擔心我食唔飽、著唔暖，佢哋話：『咁我哋係咪要養到你30歲？』但我成日同佢哋講（呢啲機會）一生人得一次，唔想第時同啲孫講：『我都有機會入行做明星㗎，不過冇咗喇』。我想做一啲唔會令自己後悔嘅嘢。」
丁丁談到其中一次非常難忘的主持經歷：「有一次我同Liza姐（汪明荃）做粵劇show，因為我對粵劇真係唔係太熟悉，講錯咗啲粵曲名，所有觀眾都望住我NG，我成個人都慌晒；當時Liza姐同我講：『你放心慢慢做』，仲同我講番啲名係點樣嚟。呢次可以話係我主持路上嘅轉捩點，令我覺得要好認真咁做一個有感染力嘅司儀。」除了用心教導丁丁，Liza姐更提攜丁丁上節目：「兩年前有一個節目，初頭冇我份嘅，係Liza姐同監製講：『點解唔用丁丁呀，加埋佢落去啦！』我係喺Show前先知Liza姐幫咗我。如果冇阿姐咁錫我，我諗依家嘅丁子朗仲係一個薯仔。」憑《青春不要臉》正式升呢男主角的丁丁，但曾拍劇力不從心，因此先後報讀了鍾景輝、韋羅莎、彭秀慧等多個演藝課程，努力改進自己的演技。
另談到與《青》拍檔戴祖儀傳緋聞，丁丁狠心落閘謂：「識咗佢太耐喇，成三、四年，火花已經冇咗喇，Keep住做朋友係非常之好嘅決定。」丁丁又坦言現在事業行先：「老套啲講我想成為視帝㗎，我會向住呢個目標努力。」丁丁更自爆曾為超英電影《尚氣》試鏡，並指自己視前輩陳法拉為學習目標，希望可以走得更遠。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
