初哥講述賊人手持細小的鎅刀行劫，於是拿起廚房的菜刀抗賊。
昨晚葵涌德大徑一間食店被獨行賊持鎅刀行劫，食店員工未有就範，並拿起菜刀反擊，刧匪落荒而逃，最終今日被警方拘捕。涉事食店的員工初哥今日向本網講述賊人行劫過程，形容賊人持鎅刀打劫「無誠意」，不過他亦為賊人求情，指對方並非大奸大惡，希望他可以獲得輕判。
初哥憶述賊人落單時曾多次改口，覺得他「阻住做生意，已經一肚氣」，之後賊人付款後亮出鎅刀行劫，初哥表示賊人行刧時「騰騰震」，且手持的鎅刀短小，「你咁X無誠意打劫，我唔X㷫呀」，氣上心頭的初哥於是到廚房拿出菜刀抗賊，此時賊人見狀即奪門而出，初哥追截了兩、三條街，惟最終失去賊人蹤影。
初哥原本在酒店工作，剛來食店打工一個月，他讚賞警方破案效率迅速，又指在疫情之下「如果你冇得食，你嚟我一定畀你」，而鎅刀賊亦「唔係咩大奸大惡，可以原諒真係原諒佢啦」。
立即下載｜全新《星島頭條》APP：https://bit.ly/3yLrgYZ
