阿正大爆小儀私下愛講鹹濕嘢唔揀Jeffrey做男友全因太靚仔

商台DJ阿正（黃正宜）因為拍咗兩輯《膠戰》入晒屋，幕前的痴女形象成為網民熱話。而上月踏入29歲的她，生日前接受楊詩敏（蝦頭）及連詩雅（Shiga）的網上節目《絲打圍爐》訪問，節目昨日（11日）於YouTube上架，討論中女心態的話題。

阿正接受蝦頭及Shiga的網上節目訪問。

慶祝埋阿正29歲生日。

阿正與主持人喺節目中討論「中女」的定義，有人表示30至49歲的單身女子經常被標籤為「中女」，而蝦頭正是被標籤的女性，Shiga認為：「『中女』點解畀人覺得係貶義，其實好睇自己點睇。」阿正談到自己選「中女」這個主題討論，是想表達「中女」的定義不只是困在年齡上，「因為喺我心目中，一個人點樣先係真正嘅老去，就係當你嘅思想，或者你諗嘅嘢，已經冇咗嗰種熱情同幹勁。」而在她身邊就有一個被標籤為「中女」，但阿正仍然覺得她心境好年輕的人，這人正是與她年紀相差超過20年的小儀，「我從來唔覺得同佢有代溝，因為佢講勁多鹹濕笑話，佢超幼稚！我覺得同佢傾偈完全冇問題。我望住小儀就覺得佢係女人嘅天花板，佢心境好年輕又好開心。」

阿正因為拍咗兩輯《膠戰》入晒屋。

同小儀雖然年紀相差20年有多，但完全冇代溝。

大爆小儀私下成日講鹹濕笑話。

對於出年就30歲的阿正來說，坦言唔急搵伴侶，談到有些年輕的男子喜歡找年紀比自己大的女性做女友，阿正就以Jeffrey（魏浚笙）做例子，事關Jeffrey正正有一位比他年長4年的女友Evelyn（陳芷欣）。而阿正雖然在《膠戰》中扮演成痴戀Jeffrey的角色，但現實中她似乎有啲怕好需要人照顧的另一半，「只能夠講上天係公平嘅，佢有啲地方係缺少咗。我（男朋友）應該唔可以去到Jeffrey呢一種咁需要照顧嘅男人。反而外表我唔可以接受太靚仔，可能因為我對自己外貌唔係特別有自信，所以覺得我一拍埋去就會有對比。」阿正覺得Jeffrey靚仔到只可以遠觀，不可褻玩。