日本女星深田恭子1月時宣佈確診新冠肺炎，昨日（15日）於IG分享抱BB餵奶的照片，並透露妹妹再做媽媽，亦是染疫康復後首次透露近況。深田恭子的妹妹之前已育有2名兒子，早前家中再添新成員，深田恭子身為姨媽都表示好開心，仲話BB努力飲奶的樣子好可愛，承諾會努力幫手照顧BB。Fans除了恭喜深田恭子妹妹又生B，仲大讚深田恭子抱B的姿勢好熟練，認為她有在練習姿勢，為未來生B做準備。
中招後停工2個月，突然Po抱B相，Fans都嚇一嚇。
原來係深田恭子個妹又生咗呀！恭喜晒！
深田恭子去年因為患上適應障礙症，而停工休養約4個月，期間百億地產社長杉本宏之對她照顧有加，深田恭子亦都承認戀情。一直有指二人有意拉埋天窗，但年初深田恭子又確診新冠肺炎，相信婚期因而延後。日媒指今年11月深田恭子滿40歲，好大機會於生日前完婚。雖然杉本宏之已曾有過兩段婚姻，但仍希望建立幸福家庭，有傳杉本宏之與深田恭子都希望生小朋友。睇嚟深田恭子多啲照顧妹妹啲小朋友，練習定都差唔多嘞！
深田恭子同有米男友感情穩定。
有傳深田恭子40歲生日前會完成婚禮。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
