演藝學院出身的朱栢康多年來在舞台劇界發展，一直被定義為實力派，近年轉型拍多咗電影及電視劇。朱栢康2019年首次做電影男主角，就憑《金都》入圍金馬獎及金像獎的最佳男主角，但雖有如此豐富的履歷，網民仍對其表演方式反應兩極。
朱栢康是演藝學院出身，之前憑《金都》入圍過金馬及金像影帝。
呢位網民有咁嘅見解。
朱栢康去年做《造星IV》評判被批亂Foul人，又被笑狂晒英文。
昨晚（18日）ViuTV原創劇《940920》播出大結局，劇中可以話係大反派的朱栢康，早幾集與女主角蔡思韵的對戲被網民指大暴走，有網民覺得二人演技都似乎有少許過火及浮於表面，但蔡思韵於IG都解釋過有感到劇本存在不合理地方，可能因為咁而難以投入。而大結局播出後，有網民於討論區以「求吓朱柏康唔好再喺ViuTV出現」為題開Post，批評朱栢康做親節目及劇集都太過火。有網民表示有同感，認為朱栢康的確是一個好戲的舞台劇演員，但似乎未掌握到拍劇或電影時要收火的技巧。不過朱栢康都獲好多網民力撐，認為《940920》的劇本問題大於演員演技問題，指朱栢康只是跟劇本指示去做，加上他的角色本身就好有暴走Feel，演得出力係好合理。亦有網民覺得如果演員演得太過火，其實導演責任較大。
《940920》昨晚（18日）播出大結局。
有網民認為新加入的朱栢康與蔡思韵有新鮮感，但網民對二人演技反應兩極。
有網民力撐朱栢康，覺得佢都只係跟劇本做。
有網民認為導演都有責任。
演出方式太似舞台劇？
其實《940920》幾乎搵晒《二月廿九》的原班人馬開劇，仲加咗唔少新角色。《二月廿九》獲好評，Fans當然對《940920》期望好高啦！但由於劇本原先計劃到台灣拍攝，可惜受疫情影響，最終須留港拍攝，劇本因此要大執，穿越劇本一啲都唔易寫，網民雖有少少失望，但都話咁多限制下拍到穿越劇已經好唔錯！
《920940》有蔡思韵和劉俊謙呢對真情侶坐陣。
其實網民對蔡思韵演技反應都好兩極。
蔡思韵對劇本都有好多疑問，可能因此影響她的投入度。
好多網民對於吳海昕戲份太少感不滿。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
