前女子組合As One成員陳葦璇，曾參加ViuTV的《全民造星III》奪得亞軍，知名度提升不少，但日前她在IG限時動態自爆突然休克被急送入ICU。陳葦璇憶述出事經過：「話說食完晚飯休息咗兩個鐘諗住落街跑步，跑咗十幾分鐘都無事，一路戴住口罩，見熱除咗件風褸（入邊都係長袖衫），再跑咗無一分鐘就開始臉好痕，我心諗應該同之前一樣都係生風癩，所以已經停止跑步折返屋企。」
陳葦璇日前在IG限時動態講及出事經過。
真的幸好有男朋友在身邊。
正當陳葦璇在回家途中時，她情況急轉直下：「好快全身都好痕，臉已經開始好腫，我行行吓就開始暈，好彩啱啱男朋友陪我跑，唔夠一分鐘我已經由暈暈哋，但行到變到要瞓喺地下休克狀態，我聽到有幾個人行咗過嚟幫手，但已經睇唔到嘢，唔知自己去咗邊咁，佢好快call咗白車，好快到咗，都好快去咗醫院，唔知係咪因為太凍，我由白車去到醫院都係咁震，醫生幫我打咗針，我開始有番知覺講到嘢，佢話我係敏感性休克，雖然未知敏感原係咩，但啱啱血壓太低要留院觀察，咁大個女第一次去深切治療部。」
陳葦璇特別感謝醫護人員，而昨日（22日）她已轉去普通病房，而今日更貼出愛貓相片指已出院回家，稍後會做詳細檢查希望找出致敏原因，以免好友及fans擔心。
今日陳葦璇透露已出院回家休息。
會詳細檢查找出致敏原因。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
