錢小豪兒子龐景峰（Andrew）和媽媽郭秀雲都熱愛小動物，早前上《七福星》節目，邀請七仙羽及其男友到訪大宅，養了兔、鸚鵡、 大蜥蜴、貓、狗等不同種類的小動物，令七傅師都表示好壯觀。
龐景峰日前以視像形式接受ViuTV《今日疫情》訪問，原來在疫情下，不少主人因各種理由棄養小動物，Andrew和媽媽合力接收了狗和鸚鵡，至今已收養了19隻鸚鵡，並在家中花園暫托一隻孔雀，十分有愛心。
龐景峰透露因為疫情，好多人都以不同理由棄養小動物。
Andrew家中至今已收養19隻被棄養的鸚鵡，屋企已化身鳥林一樣。
還暫托孔雀，真係好有愛心。
Andrew屋企好似動物園一樣，好熱鬧。
直播中不時聽見到有鸚鵡的身影及叫聲，客廳及飯廳已化身鳥林一樣。Andrew解釋：「疫情關係，啲人聽到新聞話狗可能會帶有病菌。啲人諗返起沙士、流感，可能覺得會傳染畀鸚鵡，跟住就會棄養。其他就有啲老人家要去隔離營，仔女冇地方、設備去養鸚鵡，就搵人代養。」
Andrew透露從社交群組見到很多棄養小動物的消息，當中還包括一隻孔雀，由於Andrew家中有牌，經漁護署批准後便可以暫養，稍後會交給相關部問接管。他說：「有位元朗住村屋嘅朋友，孔雀走入咗佢花園同車場，就即刻喺鸚鵡群組求救。我媽媽就拎咗返嚟屋企，一齊幫佢沖涼，好多雀蝨，都係當一隻雞就可以。」
郭秀雲同龐景峰早前接受《七福星》訪問。
七師傅仲帶埋外籍男友一齊參觀，到訪後都話好壯觀。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
