鄧小巧今個月初與外籍男友「白先生」在加拿大結婚，正式升呢成為人妻。小巧自公佈求婚到結婚，收到很多好友的祝福，但原來亦收到不少惡毒難聽的留言，她今日在社交網帖文並以「關於語言暴力」為題，坦言被攻擊醜樣：「其實喺呢行咁耐，都聽唔少。嚟嚟去去，以前對我嘅攻擊都係醜樣、肥、豬x，生成咁樣學咩人做歌手之類。結婚之後就話『鬼佬真係重口味』、『多個人去外國做雞』、『呢啲豬扒真係鬼佬先食得落』諸如此類。」
小巧以「關於語言暴力」為題，坦言經常被攻擊醜樣。
阮小儀、許廷鏗、張曦雯等圈中好友力撐。
鄧小巧今個月初與「白先生」在加拿大結婚，做幸福人妻。
小巧表示朋友勸她不用理會，但她認為各式各樣的語言暴力就是因為大家「唔理」，所以形成某一小撮人橫言無忌：「網上嘅語言暴力好可怕，因為留言嘅人見到你，但你可能永遠見唔到留言嘅人。我哋好經常批評別人嘅外表，肥嘅太肥，瘦嘅太瘦，靚嘅整容，性感嘅就係蕩婦。總之就要搵到你睇唔順眼嘅地方，然後暗中背後指住人哋謾罵，好似呢個世界上仲欠缺好多惡毒嘅人。」
最後小巧表示不想再縱容姑息惡行：「莫因善小而不為，我哋就係包庇一啲小惡行，慢慢縱容出大惡行。」並為自己作出大平反：「最後，其實，得到愛，唔一定要生得靚。呢個係我哋嘅first dance ,我話我想著便服，佢話：whatever makes u feel good ,be nice to the world.」不少圈中好友阮小儀、許廷鏗、張曦雯亦有留言表示支持。
有網民指「鬼佬真係重口味」，小巧睇得多留言都覺得難受。
呢個係佢哋嘅first dance，著便服都好Sweet。
兩個人一齊，開心就得，唔使理閒言閒語。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
