憑《巾幗梟雄》系列的「蔣必文」及「排骨仔」角色而為人熟悉的敖嘉年，早前接受TVB娛樂新聞台節目《星光路上》專訪。敖嘉年入行前曾做過電影美術指導及電台DJ，13、4歲更因貪玩做過臨時演員，並參加過《歡樂今宵》舉行的歌唱比賽，《星光路上》播出了他當年的參賽片段，只見身材瘦削的嘉年一臉認真的唱歌、十分青澀：「其實嗰時好驚，現場好多人，真係驚到震。件西裝又係問人借㗎喎，完全唔啱身，個頭又扮郭富城。」
1996年經恩師洪朝豐介紹下加入TVB，並被選中擔任《城市追擊》外景主持，他坦言難忘事很多，經主持潘盈慧一再追問下，嘉年不開名笑著憶述曾遭一位自己視為偶像的前輩嚇窒：「我問佢嘢，佢就問我：『做乜問我啫！問我老婆啦！』當時我即刻打咗個凸，同埋都幾難受。」正因如此，嘉年入行後每次受訪均會將尊重放在大前提：「有樣嘢係郭富城教識我嘅，我永遠都會記得。佢喺我哋未開咪前問我：『點稱呼你』，然後一開咪佢就話：『嘉年，你好！』」
洪朝豐（右）是嘉年恩師。
嘉年第一份在無綫的工作，是為《城市追擊》外景主持。
敖嘉年試過被視為偶像嘅前輩嚇窒。
城城喺未開咪前會問人點稱呼，然後一開咪就話：「嘉年，你好！」
做甚麼事也專注投入的嘉年，笑指當初獲TVB助理總經理（戲劇製作）曾勵珍（珍姐）邀請加入劇組時誠惶誠恐，更因不懂看劇本及欠缺專業訓練鬧出不少笑話，最難忘一次是不醒目地擋了前輩的光：「前輩問我：『你見唔見到我塊臉黑晒？』我仲話：『係呀！』跟住前輩就話：『你遮住我啲光知唔知呀？』」嘉年亦坦承當年每次被罵後都感到很挫敗，但慢慢便從學習中成長。談到演戲心得，他笑指沒有特別，覺得只要投入了角色，感覺和情緒便會自然發揮出來：「啲前輩成日話我會突然『鬼上身』。」
《巾幗》系列係嘉年嘅代表作。
嘉年當年參加歌唱比賽個樣好青澀，仲梳城城頭。
主持潘盈慧暢遊《巾幗》系列當年重要的取景地點，大談當年拍攝的喜與樂。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
