實政圓桌立法會議員田北辰在社交平台發文，宣布自己喜迎第7名孫仔，而今次見孫仔有別於過往，正值本港新冠5波疫情仍未過去，所以他做足準備，除咗核酸檢測，更做好消毒功夫，穿起全套保護衣、戴好口罩與面罩全副裝備才敢抱孫仔。
田北辰提到，過往因各種公務接受核酸檢測都是家常便飯，通常係基於責任，而今次為見孫仔，又係「愛」又係「責任」。
他又說，孫仔未出世前，其媽媽想保留驚喜，一直未對外公布所懷的是男或女胎，田北辰從先前六個孫「仔、女、女、女、仔、仔」排序，估計第7個係孫仔，果然就估中了，形容自己同孫仔「心有靈犀」。與此同時，田北辰又提到，自己與此孫仔都係屬虎，「唔知佢大個會唔會同我一樣無時停？」他亦到祝福所有爸媽、BB都健健康康！
去年底立法會選舉期間，田北辰曾與孫仔孫女一同落區宣傳。田北辰facebook圖片
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
