喬寶寶上月帶埋媽媽、大仔、新抱及喬孫孫到加拿大溫哥華，出席二姐大女婚宴，喬寶寶5兄弟姐妹難得齊集，加上喬家四代同堂，喬媽媽最開心。至於可愛嘅喬孫孫，寶寶笑說：「佢比我受歡迎。」採訪：方騫平
一家人出席二姐嫁女婚宴。
喬寶寶話精靈嘅喬孫孫比佢更受歡迎。
喬孫孫好精靈可愛。
喬寶寶有5兄弟姐妹，當中以二姐最好景，二姐夫喺溫哥華經營藍莓、紅莓生意，有500畝農地，家有二萬多呎，又有傭人，生活無憂，他自嘲說：「二姐雖然年紀比我大一歲，但有錢個樣都Keep得好啲，唔似我燶燶地。」
喬寶寶5兄弟姐妹都好孝順，好錫喬媽媽。
喬寶寶有5兄弟姐妹，當中以二姐最好景。
策劃喬媽媽大壽宴
今次由二姐全包宴請一家人玩足一個月。他說：「趁阿媽行得走得帶佢睇多啲喜慶事，下次屋企大型gathering應該喺11月22日媽媽80大壽。」他表示南亞人好孝順父母，老人家年老更加要享福，不會送父母入住老人院。目前喬孫孫六6個月大，喬寶寶會教他學廣東話，他強調自己香港出世，廣東話係母語，也希望下一代學懂：「小朋友學語言學得快，教曉佢可以陪我睇港產片，𠵱家佢識講『打打』、『爺爺』。」他指喬孫孫今年8月30日一歲生日，希望到時帶佢返港同親友見面。另寶寶指暫未有人打兩爺孫主意拍廣告：「佢太細個喇！佢父母想佢專注讀書，𠵱家校網都搵埋，兩年後會搬去校網好啲嘅地區。阿仔(印度豹)承諾會生兩個起三個止，我叫佢趁我行得走得，畀多啲驚喜我。」
喬寶寶策劃搞喬媽媽大壽宴。
喬寶寶爭取到早上時段湊孫。
大仔印度豹承諾會生夠三個。
喬寶寶用廣東話跟喬孫孫互動。
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
