陳曉東、陳秋霞和布志倫將於今晚現身TVB綜藝節目《總有歌聲喺隔離》做嘉賓，東東相隔兩年多再次現身TVB，透過視像上節目，但隔住個 Mon都令人感受到佢嘅「超靚樣」，皮膚細緻光滑，臉上完全看不到歲月痕跡。
笑容親切的東東，甫現身即指與主持蕭正楠和伍仲衡（Harry）很久不見，原來東東與初出道的阿蕭曾在2002年合作《百分百感覺》電視劇版，另外他還是Harry的知音人，Harry當年第一首出道作曲作品，便是東東的《愛你躲你》，東東更會在節目中披露當初為何對Harry的作品情有獨鍾，之後更會以超靚聲情深演繹當年這首經典作品。除了獻唱及話當年，東東還正色為港人加油：「呢個疫情講起上嚟係好沉重同嚴肅嘅問題，我有留意住香港嘅情況，自己都好擔心同痛心，真係希望大家可以共同渡過呢段時間，捱過呢個高峰期。」
東東相隔兩年多再次現身TVB。
個樣真係冇乜點變。
陳曉東為大家獻唱《愛我躲我》，好投入。
東東與初出道的阿蕭曾在2002年合作《百分百感覺》電視劇版。
唔經唔覺，東東出道接近30年。
另外，移居馬來西亞多年的陳秋霞，坦言因疫情關係已兩年多沒有返香港，並謂對香港很是掛念：「乜嘢都掛住，我哋呢度有你哋嘅台㗎嘛，我日日都有睇新聞同埋你哋嘅節目。」陳秋霞又透露，馬拉於疫情初期已實施禁足令，並謂去年疫情期間發生的民間有心人自發性互助活動讓她甚是感觸：「當時疫情愈嚟愈嚴重，好多家庭受影響，佢哋連最簡單物資、可能係油米鹽都冇。嗰時大家就自發如果有人想求救就喺窗度放一條白布，代表『我需要幫助』。」愈說愈感慨的秋霞更哽咽謂：「呢個係我冇諗過會經歷到嘅事，都唔識講……都好彩好多嘢你撐住就會過去…」。秋霞說畢更送上《信》為港人打氣： 「命運是對手永不低頭，香港人大家加油！」
陳秋霞講起馬拉疫情不禁哽咽。
蕭正楠同區永權都係《總有歌聲喺隔離》主持。
布志倫現身獻唱。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
