有網民在facebook群組「食在元朗」上，表示懷疑遭到水果檔「呃秤」，原本賣24蚊每磅提子，最終繳付98元，僅獲不足2磅提子。
婦人昨日下午1時左右在元朗大橋街市買餸，途徑街市內的生果檔，「提子寫有每磅24元，秤完之後佢話$88 ，我畀$100紙佢，佢找返兩蚊畀我。」由於婦人當時身體不適精神狀態欠佳，所以無為意比原本找少了10元。
婦人買完提子行出街市之後，感覺不妥當，於是買豬肉的時候叫檔販幫忙秤一秤 ， 「原來得磅幾，兩磅都未夠秤兼呃人」。不過她沒有折返追討， 「我無找佢晦氣！因為我呢排食緊中藥唔激得！ 再睇醫生貴過啲提子！」。
「食在元朗」網民 Siu Wan Lam圖片
「食在元朗」網民 Siu Wan Lam圖片
原來不少網民稱街市內有些不良商人經常斂財，「如果我無記錯，之前都谷友提過大橋街市裏面有啲生果檔做生意嘅手法係有問題」、「我都中過招，正是這一檔。買榴槤，一頸血」、「其實大橋入面兩間生果檔都是這樣的，咁多年來都一樣，但係唔知點解佢仲可以維持落去仲會有人幫襯真的不明白，但係佢亦都無諗過要改變經營作風，時常發生嘅嘢居然仲有人中招」。
帖文轉載自facebook群組「食在元朗」
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
