疫情下唔少幕前嘅工作都被迫煞停，26歲嘅梁茵（Kiko）為咗尋求更多出路，去年10月決定離開工作咗9年嘅TVB，除咗做「小三」、花瓶外有更多發展空間。她自爆喺艱難時間曾有人提出「照顧」她，但拒受誘惑：「我唔想因為眼前短期利益，之後一世會唔開心。」採訪：方騫平 攝影：沈健程 手錶：Crisathena
梁茵唔介意自己包包面及牙齒唔夠靚，希望觀眾接受真實嘅自己。
梁茵有樣有身材。
梁茵曾於《愛回家之開心速遞》中飾演最愛釣金龜嘅「威龍潘金蓮Anita」，形象深入民心，由於演得入型入格，她形容為成也Anita，敗也Anita：「觀眾好難分辦到真假，都試過出街畀人指住嚟鬧㗎！𠵱家盡量搣甩呢個形象，鑽研做吓喜劇甚至醜角，要跳出框框先會真正成長，但仍多謝舊公司畀機會我，令我得到觀眾認識。」
《愛回家》嘅拜金女Anita一角令梁茵得到觀眾認識。
擁有靚Body嘅梁茵，唔使被照顧都搵到食。
傳聞致雙失好後悔
梁茵自爆曾有人向她提出「照顧」：「重點係要識得拒絕，每個人都有選擇權利，我相信自己有能力獲得更多財富，唔好影響到價值觀。我唔想因為眼前短期利益，之後一世會唔開心。」她感激有父母做後援：「佢哋唔係有錢，但同我講『就算畀唔到家用，個女紅唔起唔緊要，知道你喺呢9年付出好多心機。』」她又喊爆談及一件遺憾事：「當日捲入律師人夫『小三』傳聞，因為我冇堅持要向外澄清，最後冇咗個大廣告，因為男朋友家人唔信任我，連男朋友都提出分手變咗雙失，如果唔係因為呢件事，我應該去咗人生另一階段，其實都好後悔，好彩有家人一直支持我。」
梁茵講到前度及父母就爆喊。
喺「雙失」時期慶幸有家人支持。
當日前度為她慶生，sweet爆。
梁茵本身好想嫁畀前度，可惜事與願違。
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
