TVB炮製綜藝節目《總有歌聲喺隔離》,實行以歌聲為香港送上祝福,今晚一集現身節目的嘉賓先後有雷安娜、車婉婉及鄭俊弘、何雁詩夫婦。懷孕的何雁詩孖老公鄭俊弘齊齊亮相,透露預產期是6月中,並興奮地站起身晒巨肚,表現精靈。
何雁詩還自爆不時會播老公鄧俊弘的歌曲給BB聽,想進行胎教,而希望BB第一首識唱的歌曲便是《投降吧》,擺明是整蠱老公,相當搞鬼。節目中他們獻唱《Shall We Talk》,何雁詩希望大家在疫情期間除了關心身體健康外,亦要多留意精神上的健康:「就算有咩開心同唔開心,都要多啲同屋企人或者朋友講。」
何雁詩興奮晒巨肚,並透露預產期喺 6 月中。
![何雁詩成日播《投降吧》畀 BB 聽,因為佢想 BB 第一首識唱嘅歌就係《投降吧》。](https://image.hkhl.hk/f/1024p0/0x0/100/none/c760e2d145263dfea4f5fafe9969c3dd/2022-04/honganc_277803273_433269078554624_6970762077781357335_n.jpg)
何雁詩成日播《投降吧》畀 BB 聽,因為佢想 BB 第一首識唱嘅歌就係《投降吧》。
此外,身在加拿大的雷安娜透露因疫情關係,已兩年沒有回港,非常掛念香港的親友和粉絲,茹素的她更特別想念香港的齋舖。講起疫情期間最深刻體驗,雷安娜透露在加拿大疫情最嚴重時,除非是同一住址、否則就連父母、兄弟姊妹亦不能見面,又指有了新興趣,便是上網跟人學畫畫,一畫就是兩個鐘,亦有寫下毛筆字,但自嘲寫得麻麻地,笑言疫情過後可搵老師學習。
![今集有車婉婉做嘉賓,(左起)蕭正楠、車婉婉、伍仲衡、區永權 。](https://image.hkhl.hk/f/1024p0/0x0/100/none/d3307d8af7cabe5781a7af0a661155fa/2022-04/6f75b51a-b495-403c-9e4f-9d1f20eff0c9.jpg)
今集有車婉婉做嘉賓,(左起)蕭正楠、車婉婉、伍仲衡、區永權 。
![雷安娜已經有兩年冇返香港,佢最掛住香港嘅齋舖。](https://image.hkhl.hk/f/1024p0/0x0/100/none/4d0db6c65de416fbb3a7ec7bb06cc566/2022-04/cd55cfed-2e5d-4ed2-9ce1-175e5ffb8f64.jpg)
雷安娜已經有兩年冇返香港,佢最掛住香港嘅齋舖。
更多第5波疫情資訊,請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ