美國網站「TC Candler」幾乎每日都更新入圍「全球百大俊男美女」名單，又幾乎每日都有港星登場，雖然有人嫌「玩爛咗」欠公信力，但粉絲們卻樂此不彼，繼續「課金」力撐偶像入圍。而今日最新出爐名單，就有「軒公」張敬軒同經常被指跟他撞樣的林家謙，齊齊入圍競選「百大俊男」；另外歌手謝文欣都入圍「百大美女」，她在社交網開心分享，並留言：「雖然有段日子無出新歌，但好多謝仍然喜歡我同愛我嘅人，新歌今年會嚟啦，YEAHHH！」
歌手謝文欣開心仍有樂迷喜歡佢。
謝文欣外貌被指酷似日本女子音樂組合AKB48成員渡邊麻友。
林家謙入「全球百大俊男」。
同埋張敬軒同日入圍。
對於成功入圍競逐「全球百大俊男」，軒公和家謙暫時都未有反應，軒公反而被另一東西吸引，昨晚（17日）在社交網分享屋企發現一隻手板咁大的蜘蛛，在慌亂情況下將對方趕走，寫着：「是日成就解鎖！我冇殺佢，用拖鞋喪拍個櫃、拍個地下趕走咗佢......#我求吓你唔好再返嚟 #得閒都唔使嚟坐」。
真係好大隻蜘蛛呀！
軒公話冇殺到佢。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
