女神周秀娜（娜姐）近日忙於與黃宗澤（Bosco）拍攝新劇《疊影追擊》，但受天氣變化影響，加上經常要到偏僻地方拍攝外景，令她近日飽受皮膚敏感困擾。昨天（18日）她在社交平台晒出頸部、胸口和手腳生滿紅色粒粒的照片，看來非常嚴重，相當痕癢。
娜姐上個禮拜開始敏感，睇完醫生都照開工。
拍戲焗一焗出晒汗，粒粒又勁番晒。
連手腳都係，見到都痕。
最慘係長假期，冇專科醫生睇。
娜姐表示上星期因為敏感已三度求醫，稍稍有好轉後，上星期五穿上一套全新包到冚的戲服後，又再次復發，今次連打針食藥都沒有幫助，她慘呻寫道：「全身痕到瞓唔到，第日起身即刻去睇醫生，同一隻抗敏藥，同一隻藥膏加大藥效都係冇用，夜晚再去睇多次醫生，打咗支針再食埋類固醇……今日起身依然都係咁」，最後娜姐無奈表示：「講咗咁多總結，病都要合時，公眾假期冇專科 #鬼叫你病咩 #你估我想㗎」。不少網民都紛紛留言戥女神心痛。
最近娜姐同黃宗澤拍攝新劇《疊影追擊》。
娜姐早前激瘦，大家已很擔心佢健康情況。
希望娜姐保重身體，快啲肥翻。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
