在《愛‧回家之開心速遞》飾演賈名媛的邱芷微（Chelffy），早前接拍戚其義監製的網劇《逐流時代》，當中一場捉姦場面，竟然遇上「真」襲擊，令Chelffy與劇中老公陳永昌（Mark）同告受傷。
Chelffy日前在社交網透露事發經過：「當日於上環一條內街酒店樓下位置，清場拍攝當街打老婆戲時，所有劇組人員都匿埋哂。然後一roll 機Action時，我同另外兩位男女演員的爭執口角戲演得太認真了，引致有一位外籍男士以為真係男人當街打女人，突然間從街尾跑出來，向男演員從後lock頸，推向前鎖低落地下。」兩男推撞期間，Chelffy亦意外被撞落垃圾桶，整個人趴在地上受傷。她續寫道：「由於導演未嗌cut，亦唔知原來後面發生咗咁大件事，最後見到成班工作人員緊張地衝出嚟阻止個外籍男士揮拳打個男演員。」
劇中邱芷微捉姦，反而被老婆追住嚟打。
個垃圾桶又真係幾真。
有外籍男英雄救美，反而令邱芷微撞傷個頭。
劇中老公陳永昌同情婦。
被問到有否受驚，Chelffy表示：「冇諗過會發生咁嘅事，當然點都會嚇親。本來場戲都係扮個頭撞落垃圾桶，事前都有排練過幾次呢場動作戲，但現在演變成真撞頭擦損，仲紅腫起嚟，好彩只係皮外傷。」雖然垃圾桶只是道具，但其顏色仿真度及堅硬度與真的街頭垃圾桶一樣，因此拍攝期間亦引來清潔姐姐走來換垃圾袋，她笑謂：「所以演員嘅演出，同設計道具都係非常認真專業。」
邱芷微未聽到導演嗌Cut，所以都繼續演。
陳雅麗、邱芷微
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
