ViuTV真人騷選美節目《肥美人》，昨晚（20日）開始正式進入比賽mode，參賽者分別穿上晚裝、泳衣及睡衣出場，爭取12強席位，節目甫開始頒發「友誼小姐」一獎，結果由17號方芷茵（Chanhnez）先拔頭籌奪得。之後16位參賽者穿上泳衣出場，逐一回應網民的負評。
其中3號何綺婷（綺夢）被網友指說不出口是靚女，她笑說：「啲人叫得多我做綺夢，我胳肋底都多咗粒痣，你哋睇吓。叫唔出綺夢唔緊要，可以叫我BB㗎。」隨即邊說邊舉高右手胳肋底被大家任睇。此外12號邢洋陽（洋腸）被笑有東莞味道，她則說：「東莞真係好多靚女㗎。」另外，11號Heyman愈戰愈勇，有網民大讚她笑起來樣子甜美。
甫開始16位肥美人以晚裝出場。
Chanhnez贏得友誼小姐。
綺夢舉高右手表示胳肋底生了一粒癦。
綺夢仲扭埋patpat。
身高只有148cm的阿Bui，穿上泳衣依然走搞笑路線。
Heyman笑容甜美，愈戰愈勇。
洋腸一向自信爆棚。
及後參賽者換上睡衣，即場接受急才挑戰， ERROR的何啟華（阿Dee）及吳保錡則任嘉賓扮鬼扮馬考驗一眾肥美人，當中以6號翁芷園 （Cherry）及洋腸表現最好，Cherry扮七仙羽批阿Dee前途時，逗得台下大笑。至於洋腸則要到友台再參加選美，跟阿Dee扮的友台高層對話，洋腸問阿Dee：「你知唔知今年造星IV邊個係冠軍？」但阿Dee竟搞笑答：「係咪咩炎？」洋腸即說：「係阿Marf。」阿Dee秒回：「是但，我唔睇隔離台。」之後洋腸再問阿Dee知否今年自己台的選美冠軍是誰，阿Dee即啞口無言，停頓幾秒才說：「你估我好得閒，做電視俾返自己睇。」贏得評判掌聲。
Lezlie雖然有270磅，但穿起泳衣卻不怯場。
最重要是自己識得欣賞自己。
洋腸口才出色。
Heyman跟阿Dee的對話也十分搞笑。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
