森美昨日在銅鑼灣出席活動指疫情緩和，工作開始重回正軌，雖然工作比之前多，但並非多賺錢，心情仍患得患失，之前留家抗疫多了親子時間，不過這段時間沒有見父母，只可以通電話問候。他透露被老婆投訴有「抗疫肥」，所以要積極收身，笑言目前老婆仍未肯「掂」他，可能未收貨。會否以呂爵安身材為目標？他說：「佢哋個個咁Fit，我唔敢同佢哋比，叫佢哋比演唱會飛我仲好啦！」
另外，阮小儀在ViuTV節目《有酒今晚吹》自爆受過森美唔少氣，揚言：「好多嘢都會令佢發好大火。」所以二人經常有拗撬。對此森美回應：「我想問強尼幾時請我飲嘢呢？我唔使飲醉先講嘅，同小儀合作咗廿幾年，當年我哋捱咗十幾年，終於調去做黃金時段，佢有一日突然話想調做朝早節目，因為返夜晚搞到佢冇得拍拖，由嗰刻開始，我開始明白佢嘅意思，開始冇逼得佢太多。」
森美指被老婆投訴有「抗疫肥」。
森美指疫情緩和，工作量增加，但非多賺錢。
小儀早前上《有酒今晚吹》節目，自爆與森美有好多拗撬。
二人合作廿幾年，鬧完交又冇嘢。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
